જોગી જસદણવાળા

બજવ્યા છે સમન્સ તમને છતાંયે કાં ભટકવાનો ઈરાદો છે !
હવે સાચું કહું ઈચ્છા! તમારું ખુન કરવાનો ઈરાદો છે.

- જોગી જસદણવાળા

બરકત વિરાણી ‘બેફામ’

કંઇ ઈંતેઝાર થાય હવે શક્યતા નથી,
એને ફરી મળાય છે શક્યતા નથી.

એના બની જવાની સજા એકલા સહો,
સૌના બની જવાય હવે શક્યતા નથી.

કાંટા સિવાય કાંઇ નથી મારા માર્ગમાં,
તમને ફૂલો ધરાય હવે શક્યતા નથી.

રસ્તો જ એવો છે કે જ્યાં મંઝિલ નથી કોઇ,
ભૂલા પડી જવાય હવે શક્યતા નથી.

બેફામ લ્યો મરણનો હવે ભય જતો રહ્યો,
મરજી મુજબ જીવાય હવે શક્યતા નથી.

-   બરકત વિરાણી ‘બેફામ’

जोगी जसदनवाला

सात समंदर अपनी जेब में पाले हैं
कतरा कतरा दरिया पीने वालें हैं

तुने जाडुं ऐसे फ़ेरा बे-रहमी से
ईसी वजह तो मेरे दिल पें छाले हैं

- जोगी जसदनवाला

તુષાર શુક્લ

તારી હથેળીને દરિયો માનીને કોઇ ઝંખનાને સોંપે સુકાન;
એને રેતીની ડમરીનો ડૂમો મળે, એનો અલ્લાબેલી.

ખજૂરીની છાયામાં વરસે છે ઝાંઝવા ને વેળુમાં તરસે છે વ્હાણ;
કૂવાથંભેથી હવે સોણલાં રડે ને કોરી આંખોને અવસરની જાણ.
તારી હથેળીને રેતી માનીને કોઇ ઊંટોના શોધે મુકામ;
એને કોરીકટ માછલીની જાળો મળે, એનો અલ્લાબેલી.

કોની હથેળીમાં કોનું છે સુખ, કોને દરિયો મળે ને કોને રેતી?
વરતારા મૌસમના ભૂલી જઇને એક ઝંખનાને રાખવાની વ્હેતી.
તારી હથેળીને કાંઠો માનીને કોઇ લાંગરે ને ઊઠે તોફાન;
એના ઓસરતી વેળુમાં પગલાં મળે, એનો અલ્લાબેલી

- તુષાર શુક્લ

खालीपो में ऐम गझलोथी भर्यो

खालीपो में ऐम गझलोथी भर्यो
ऐक दरियो खाली शब्दोथी भर्यो

ऐक   रीते   आयनो  अकबंध ने-
बीजी रीते आख्खो करचोथी भर्यो

हुं  परंतु  साव  खालीखम  रह्यो
में  मने पण मात्र वरसोथी भर्यो

आंसुमां पींछी  झबोलुं छुं  अने
केटलां रंगीन स्वपनोथी भर्यो ?

तें मने नखशिख उकेलीने कह्युं
जुदा जुदा  अर्थघटनोथी  भर्यो

- भरत भट्ट

અલગોતર રતન "નિરાશ"

જે ખભે માથું મૂકી રડતો હતો,
દૂર આજે એ ખભો પડતો હતો.

થાય પસ્તાવો હવે આજે ઘણો,
વાંક ન્હોતો તે છતાં લડતો હતો.

ના અહમ મારો કદી છોડી શક્યો,
એકલો હંમેશ તરફડતો હતો.

એટલું જાણ્યું નથી ધાર્યું થતું,
તોય ખોટાં મનસૂબાં ઘડતો હતો.

હું ખુશીને સાચવી શકતો નથી,
સંઘરીને દર્દ હું સડતો હતો.

      અલગોતર રતન "નિરાશ"