શીતલ ગઢવી"શગ"

કોણ છું ક્યાં છું ! દિશા ભુલ્યો નવો હું સાર્થ છું.
ભાર વેઢી ઘૂમતો એવો કિશનનો પાર્થ છું.

રોજ ઘૂંટયો જાતને કોરા સુકાયા શ્વાસમાં,
સાવ ખોટા ઉચ્છવાસો પૂરતો પુરુષાર્થ છું.

દ્રઢ નિર્ણયથી ઉભો અજગર થયો મારગ બની,
લઇ કુહાડી ઘા કર્યો કઠિયારનો હેતાર્થ છું.

જાતને મૂકી સમજ લેવા જગતના એરણે,
કાનમાં આવી કહેતા સૌ તું તારો સ્વાર્થ છું.

કંટકોમાં પણ રહ્યો સુમન સમો નિર્મળ થઈ,
જાણીને કંઠે ધર્યું વખ આજ તો પરમાર્થ છું.

-શીતલ ગઢવી"શગ"